Nothing Found

It seems we can’t find what you’re looking for. Perhaps searching can help.

Kërko për:

Lajmet e fundit

10/10/2024

Mbyllet me sukses kursi i FSHF-së për Drejtor Sportiv, diplomohen 19 kursantë

Kursi i Drejtorit Sportiv i organizuar nga Federata e Futbollit nën udhëheqjen e specialistëve të Departamentit të Edukimit është përmbyllur me sukses.

Për një muaj me radhë, të gjithë kursantët kanë punuar dhe kanë marrë njohuritë e duhura nga lektorë të njohur në disa fusha të rëndësishme të punës së drejtorit sportiv, si: Burimet njerëzore, skautizmi, rregullorja e lojës dhe kolegjiumet e arbitrave, qeverisja, organizimi i stadiumeve, marketingu dhe e drejta TV, licensimet, PR, analizat e një ndeshjeje futbolli, organizimi i sektorit të të rinjve, etj.

Në ambientet e “Shtëpisë së Futbollit” u organizua edhe ceremonia e diplomimit. Drejtori i Sektorit të Edukimit, Sulejman Starova, specialisti i Sektorit të Edukimit, Alban Tafaj, dhe përgjegjësi i sektorit të skautizmit, Ardi Behari, i uruan sa më shumë suksese të sapodiplomuarve, në këtë kapitull të ri të karrierës.

Në fund të ceremonisë u shpërndanë edhe diplomat e Drejtorit Sportiv për 19 pjesëmarrësit, ku mes tyre ishin edhe figura të njohura të futbollit në vend si Andi Lila dhe Vullnet Basha, ish – futbollistët e Kombëtares shqiptare.

10/10/2024

Kupa e Shqipërisë/ Ndeshjet e fazës 1/32 luhen më 16 tetor

Ndeshjet e fazës së 1/32 të Kupës së Shqipërisë do të luhen më 16 tetor. Në këtë raund marrin pjesë 2 ekipet e renditura në vendin e 9-të dhe të 10-të të “Abissnet Superiore” në Sezonin 2023-2024 si dhe 12 ekipet pjesëmarrëse në kampionatin e Kategorisë së Parë në Sezonin 2023-2024, 16 ekipet e renditura në tetë vendet e para të Kategorisë së Dytë të grupeve A dhe B në sezonin 2023-2024, si dhe dy ekipet e kualifikuara nga turi para-eleminator.

Të gjitha ndeshjet do të luhen në orën 13:30 dhe janë vetëm me një takim. Më poshtë kalendari i ndeshjeve të fazës së 1/32 të Kupës së Shqipërisë.

Erzeni	Naftëtari	16.10.2024 13:30
Valbona	Besëlidhja	16.10.2024 13:30
AF Elbasani	Turbina	16.10.2024 13:30
Tomori	Iliria	16.10.2024 13:30
Flamurtari	Devolli	16.10.2024 13:30
Besa	Tërbuni	16.10.2024 13:30
Apolonia	Kelcyra	16.10.2024 13:30
Burreli	Sopoti	16.10.2024 13:30
Kukësi	Albanët	16.10.2024 13:30
Pogradeci	AF Luftëtari	16.10.2024 13:30
Bylis	Adriatiku 2012	16.10.2024 13:30
Luz i Vogël	Shkumbini	16.10.2024 13:30
FK Vora	Gramshi	16.10.2024 13:30
Lushnja	Oriku	16.10.2024 13:30
Korabi	Veleçiku	16.10.2024 13:30
Kastrioti	Butrinti	16.10.2024 13:30

10/10/2024

Nations League/ Shqipëria mbyll përgatitjet për sfidën ndaj Çekisë në “Shtëpinë e Fubollit”, grupi i plotë drejt Pragës

Kombëtarja shqiptare zhvilloi paraditen e sotme në “Shtëpinë e Futbollit” seancën e fundit stërvitore në prag të ndeshjes së ditës së premte ndaj Çekisë.

Skuadra zhvilloi një seancë të plotë stërvitore, që zgjati pak më shumë se 1 orë. Në minutat e para u fokusua te përgatitja atletike, ndërsa më pas stërvitja u fokusua te loja me top dhe provimi i situatave apo skemave të ndryshme të lojës, duke provuar edhe goditjet në portë.

I gjithë grupi gëzon formë të mirë fizike dhe deri më tani nuk ka asnjë lojtar me probleme fizike, teksa të gjithë lojtarët e ftuar do të jenë të gatshëm për ndeshjen ndaj Çekisë.

Pas stërvitjes, Kombëtarja u kthye në hotel dhe më pas do të niset drejt aeroportit “Nënë Tereza”, nga ku do të udhëtojë drejt Pragës. Ndeshja me Çekinë do të luhet të premten e 11 tetorit, në ora 20:45 në stadiumin “Epet Arena” dhe është e vlefshme për Ligën e Kombeve.

Sakaq, pasditen e sotme në ora 18:30, trajneri Silvinjo dhe një nga lojtarët e skuadrës do të dalin në konferencën zyrtare për media për të folur për këtë ndeshje të rëndësishme.