Skip to content
  • +355 42 346 601
  • [email protected]
  • Regjistrohu

Federata Shqiptare e Futbollit

  • Federata Shqiptare e Futbollit
  • Klubi Tifozet e Kombetares
  • Fshf.org
  • Klubi Tifozet e Kombetares
  • Ofertat tona
  • Shop
  • Media
  • Regjistrohuni
  • Hyni
Harruat fjalekalimin?

Benefitet e anetareve (tre nivele)

Free Member
Jo Card
Rregjistrim ne Database te FSHF-se
Newsletter te rregullt me info mbi te rejat rreth kombetares, futbollit shqiptar, ofertat ne dyqanin zyrtar, etj.

Official Member (anetaresimi = 1.500/sezon)
Karte anetaresimi baze
Rregjistrim ne database te FSHF-se
Newsletter te rregullt me info mbi te rejat rreth kombetares, futbollit shqiptar, ofertat ne dyqanin zyrtar, etj.
Bilete e garantuar per ndeshjet zyrtare Euro/Fifa qualifiers
Bilete e garantuar per ndeshjet e Shqiperise per Euro2016 me aplikim ne Uefa*
Bilete me cmim preferencial me 10- 25% zbritje ne ndeshjet miqesore te Kombetareve Shqiptare
Cmime preferenciale me 5% -10% zbritje ne dyqanin zyrtar te Fshf-se
Cmime ekskluzive 15% per blerjet ne diten/javen e ditelindjes**
Special prices per paketat e fundvitit (sipas ofertave te dedikuara te FSHF)
+
Se shpejti:
Cmime preferenziale ne blerjet e produkteve dhe sherbimeve te sponsoreve te FSHF-se
__________________________________________________________
*prioritet pas anetareve Gold member
** aplikohet per blerjet deri ne 20.000 leke

Gold Member (15.000 leke/sezon)
Karte anetaresimi Gold
Rregjistrim ne Database
Newsletter me info rregullisht mbi te rejat, ofertat, etj
Karte Krediti Kuqezi Union Bank*
Bluze e Re Ekskluzive e Kombetares per edizionin Euro2016, e personalizuar me emer sipas kerkeses
Bilete e garantuar per ndeshjet zyrtare Euro/Fifa qualifiers te Kombetares Shqiptare me akses ne Tribunat Kryesore te stadiumit
Bilete e garantuar per ndeshjet e Kombetares Shqiptare per Euro2016 me aplikim ne Uefa**
Bilete me cmim preferencial me 25- 50% zbritje ne ndeshjet miqesore te Kombetareve Shqiptare
Cmime preferenciale me 20% zbritje ne dyqanin zyrtar te Fshf-se
Cmime ekskluzive 25% per blerjet ne diten/javen e ditelindjes***
Cmime preferenciale per paketat e fundvitit ne dyqanin e FSHF-se (aplokihet ne momentin kur ofertat jane aktive )

Ftesa per evente te dedikuara per anetaret me lojtare dhe staf te kombetares
Akses ekskluziv ne seanca stervitore te Kombetares

Se shpejti:
Cmime preferenziale ne blerjet e produkteve dhe sherbimeve te sponsoreve te FSHF-se
____________________________________________________________
*per saktesim se shpejti sipas kushteve te Union Bank
**Anetaret Gold kane prioritet mbi cdo aplikim tjeter
*** aplikohet per blerjet deri ne 20.000 leke

Gara e ardhshme Shqiperi - Liechtenstein Sht 02 Sht 2017 18:00

Lajmet e fundit

9/8/2020

Flet Giacomo Vrioni: Kombëtarja, motiv i madh krenarie!

Flet Giacomo Vrioni: Kombëtarja, motiv i madh krenarie!

Flet Giacomo Vrioni: Kombëtarja, motiv i madh krenarie!

Vetëm një javë më parë ai debutoi me Juventusin në takimin e javës së fundit të Serie A ndaj Romës. Giacomo Vrioni hyri në lojë në minutën e 79-të, duke zëvendësuar Gonzalo Higuain dhe duke luajtur për rreth 12 minuta. Sulmuesi i talentuar shqiptar kurorëzoi një ëndërr të tijën, duke luajtur me kampionen e Italisë dhe duke marrë pjesë në ceremoninë e dorëzimit të medaljeve dhe trofeut të nëntë radhazi për klubin e famshëm torinez.

Një kënaqësi e jashtëzakonshme për Vrionin, i cili njëkohësisht vendosi një rekord të veçantë, duke luajtur në tre kategori të ndryshme brenda një sezoni të vetëm. Përveç Serisë A, ai kishte luajtur më parë në Serie B dhe Serie C po këtë sezon.

E ardhmja duket e ndritur për 21-vjeçarin, i cili në tetor të vitit 2018 kishte debutuar me Kombëtaren A në ndeshjen ndaj Izraelit, e vlefshme për Ligën e Kombeve. Në intervistën e dhënë për rubrikën “Talenti Shqiptar” në fshf.org, Vrioni tregon se si i hodhi hapat e parë në futboll, mbështetjen që ka marrë nga familja e deri te thirrja në Kombëtaren shqiptare. Sigurisht, ai ka folur edhe për debutimin me Juventusin si edhe objektivat për të ardhmen.

– Si lindi dëshira dhe pasioni yt për futbollin?

– Që në moshë fare të vogël e kam pasur gjithmonë këtë pasion, i transmetuar tek unë nga im atë. Kam filluar duke luajtur me shokët e mi në rrugë, më pas erdhi shkolla e parë e futbollit dhe për të vazhduar me ekipet e moshave në Matelica, skuadër e qytetit tim, ku aktualisht luan edhe vëllai im. Me kalimin e kohës pasioni është transformuar në një punë të bukur.

– Cili ishte njeriu i parë që të afroi me këtë sport dhe besoi te ti?

– Sigurisht që figura më e rëndësishme për mua ka qenë ajo e babait tim: ai më ka qëndruar gjithmonë pranë qysh në fillimet e mia, kur më shoqëronte në seancat stërvitore, por edhe një mbështetje e vazhdueshme në rrugëtimin tim. Shikon gjithmonë ndeshjet e mia nga ekrani i televizorit dhe më mbështet në mënyrë të përditshme.

– Si është marrëdhënia juaj me grupin dhe trajnerin në Kombëtare?

– Më duhet të them që jam pritur menjëherë shumë mirë nga shokët e skuadrës në ekipin Kombëtar dhe jam shumë i kënaqur për këtë. Kam marrëdhënie shumë të mira me të gjithë, bëhet fjalë për një grup shumë të bashkuar. Kam pasur mundësi të njihem me trajnerin Reja, dëgjohemi shpesh në telefon. Është një trajner ekspert dhe beson tek unë.

– Si e përjetove momentin kur more ftesën e parë nga Kombëtarja dhe debutimin me ngjyrat kuqezi?

– Grumbullimi im i parë në skuadrën Kombëtare A ka qenë për mua pa asnjë diskutim një motiv i madh krenarie, kurorëzimi i një rrugëtimi që kishte filluar me përfaqësuesen U-21 të Shqipërisë, me të cilën kisha shënuar gol edhe në debutim. Kam pasur fatin të debutoj me skuadrën e parë në ndeshjen e Ligës së Kombeve në Izrael, një moment që do ta kujtoj përgjithmonë.

– I rishikon ndeshjet e tua pasi luan? Dhe nëse po, çfarë i thua vetes?

– Ndonjëherë ndodh që i rishikoj ndeshjet. Jam shumë autokritik, kërkoj shumë nga vetja dhe kërkoj të evidentoj me kujdes aspektet në të cilat mund të përmirësohem, në mënyrë që të rritem si lojtar.

– Pak ditë më parë erdhi debutimi me Juventusin në ndeshjen ndaj Romës. Çfarë përjetove në ato çaste? Çfarë mendove teksa hyre në fushën e lojës?

– Ka qenë një emocion i papërshkrueshëm, kurorëzimi i një ëndrre. Kur më kanë thirrur për të hyrë në fushë nuk po përmbahesha nga emocionet dhe kisha një buzëqeshje të stampuar në fytyrë. Sapo zbrita në fushën e lojës, ndërkohë, kam menduar të bëj më të mirën për të ndihmuar skuadrën.

– Cila është sakrifica më e madhe që ke bërë për futbollin?

– Të largohesh nga qyteti ku je rritur në moshë të vogël nuk është aspak e lehtë. Më mungon afeksioni i njerëzve, duke filluar nga familja, por edhe miqtë e mi. Për fatin e mirë ndonjëherë prindërit e mi vijnë të më takojnë dhe në përgjithësi mundohen gjithmonë që të mos na rëndojë largësia, duke përdorur telefonatat ose video-telefonatat.

– Çfarë synimi ke për të ardhmen?

– Objektivi është ai për të shkuar sa më larg të jetë e mundur nëpërmjet punës së përditshme, si në nivel klubi ashtu edhe me fanellën e skuadrës Kombëtare. Për mua është një nder të luaj me Juventusin dhe të përfaqësoj Shqipërinë dhe do të bëj gjithçka është e mundur për të shpërblyer besimin e atyre njerëzve, të cilët më kanë mbështetur.

6/8/2020

Vendimet e UEFA-s për kompeticionet europiane, që prekin klubet shqiptare

Vendimet e UEFA-s për kompeticionet europiane, që prekin klubet shqiptare

Vendimet e UEFA-s për kompeticionet europiane, që prekin klubet shqiptare

Komiteti Ekzekutiv i UEFA-s ka marrë disa vendime sa u përket ndeshjeve për fazën kualifikuese dhe “play off” në kompeticionet europiane, Champions League dhe Europa League. Këto vendime lidhen ngushtë me vendin ku do të zhvillohen ndeshjet dhe masat kufizuese për vendin, ku klubet duhet të informojnë UEFA-n mbi kufizimet e vendosura nga autoritetet përkatëse në vend, në kuadër të pandemisë botërore të COVID-19 si dhe janë përgjegjëse mbi zhvillimin ose moszhvillimin e ndeshjeve.

Gjithashtu, UEFA ka marrë vendime edhe mbi testimin dhe lojtarët që mund të luajnë nëse një klub ka futbollistë të prekur me COVID-19, bazuar në Protokollin “Rikthim në Lojë”. Në rast se ka mospajtime ose ankesa mbi vendimet e marra nga UEFA, klubet mund t’i përjashtojnë ato, duke përjashtuar tri afate. Të katër klubet shqiptare që marrin pjesë në kompeticionet europiane duhet të respektojnë në mënyrë rigoroze rregullat e fundit të UEFA-s për të shmangur çdo penalizim eventual.

Vendi dhe kufizimet për vendin

I.1.1 UEFA do të publikojë para çdo shorti, listën e kufizimeve të njohura të udhëtimit midis vendeve, për shembull mbylljet e kufijve dhe kërkesat për karantinë (këtej e tutje: kufizimet). Deri në 24:00 (ora e Europës Qëndrore), dy ditë para shortit përkatës, klubet duhet – pas konsultimit me federatën e tyre përkatëse kombëtare dhe autoritetet kombëtare / lokale – të informojnë me shkrim administratën e UEFA-s nëse zbatohen kufizime të tilla të njohura ose nëse kufizime të tjera të panjohura më parë janë vendosur nga ana e autoriteteve përkatëse kombëtare / lokale që do të ndikonin në udhëtimin e klubeve. Në mungesë të ndonjë informacioni nga klubi përkatës, lista e publikuar nga UEFA do të konsiderohet përfundimtare.

I.1.2 Nëse një klub nuk arrin të informojë administratën e UEFA-s brenda orës 24:00 (me orën e Europës qendrore), dy ditë përpara shortit përkatës të çfarëdo kufizimesh ekzistuese, përveç atyre të publikuara nga UEFA, në përputhje me paragrafin I.1.1 që ndikojnë në organizimin e ndeshjes dhe si rrjedhojë ndeshja nuk mund të zhvillohet, klubi në fjalë do të mbajë përgjegjësi për moszhvillimin e ndeshjes dhe ndeshja do të shpallet nga Trupi i Kontrollit, Etikës dhe Disiplinës i UEFA-s si e humbur nga klubi në fjalë me rezultat 3-0.

I.1.3 Si rregull, ndeshjet luhen në vendin e aprovuar nga UEFA të klubit pritës. Bazuar në informacionin mbi kufizimet e parashikuara nga klubet në përputhje me paragrafin I.1.1, brenda 24 orëve (sipas rastit) pas shortit përkatës që zhvillohet ose 24 orë pas kualifikimit të klubit për raundin përkatës:

Në rast se nuk zbatohen kufizimet për ndeshjen, klubi vendas duhet t’ konfirmojë me shkrim administrates së UEFA-s dhe klubit kundërshtar, vendin, datën dhe orën e fillimit të ndeshjes.
Nëse kufizimet e vendosura nga autoritetet kombëtare / lokale të vendit të vendit të klubit pritës zbatohen për klubin mik, klubi vendas duhet të propozojë një vend të përshtatshëm alternative që mund të jetë në një vend neutral (brenda territorit të një federate anëtare të UEFA-s) që do të lejonte që ndeshja të zhvillohej pa asnjë kufizim për të dyja klubet. Nëse klubi vendas nuk arrin të propozojë një vend të tillë të përshtatshëm alternativ, klubi në fjalë do të mbajë përgjegjësi për ndeshjen që nuk zhvillohet dhe ndeshja do të shpallet nga Trupi i Kontrollit, Etikës dhe Disiplinës në UEFA-s si e humbur nga klubi në fjalë me rezultat 3-0.
Nëse kufizimet e vendosura nga autoritetet kombëtare / lokale të vendit të klubit mik ndikojnë në udhëtimin e klubit mik, për të luajtur ndeshjen ose kthimin e tij në shtëpi pas ndeshjes, klubi vendas duhet të propozojë një vend të përshtatshëm alternativ, që mund të jetë në një vend neutral (brenda territorit të një federate anëtare të UEFA-s) që do të lejonte ndeshjen të zhvillohej dhe nuk do t’i shkaktonte klubit mik ndonjë kufizim në asnjë drejtim të udhëtimit. Nëse klubi vendas nuk arrin të propozojë një alternativë të tillë,pra një vend të përshtatshëm, administrata e UEFA do të marrë një vendim përfundimtar për vendin e ndeshjes. Klubi vendas do të mbetet përgjegjës për organizimin e ndeshjes dhe të dy klubet do të ndajnë kostot përkatëse në masë të barabartë. Cilido klub që refuzon të marrë pjesë në ndeshje, do të mbajë përgjegjësinë për moszhvillimin e ndeshjes dhe ndeshja do të shpallet nga Trupi i Kontrollit, Etikës dhe Disiplinës në UEFA si e humbur nga klubi në fjalë me rezultatin 3-0.

I.1.4 Nëse, sipas opinionit të administratës së UEFA-s, informacioni i dhënë nga klubet mbi kufizimet e vendosura nga autoritetet kombëtare/locale (në përputhje me paragrafin I.1.1) nuk është i saktë ose është i pamjaftueshëm, ose kufizimet nuk janë të mjaftueshme për të kërkuar riorganizimin e nddhjes në një vend neutral (brenda territorit të një federate anëtare të UEFA-s), administrata e UEFA-s do të marrë një vendim përfundimtar mbi vendin e kthimit. Klubi pritës do të mbetet përgjegjës për organizimin e ndeshjes dhe për të gjitha kostot e saj. Cilido grup që do të refuzojë të marrë pjesë në ndeshje, do të mbajë përgjegjësi për moszhvillimin e ndeshjes dhe ndeshja do të shpallet nga Trupi i Kontrollit, Etikës dhe Disiplinës në UEFA-s si e humbur nga klubi në fjalë me rezultat 3-0.

I.1.5 Në çdo rast, pas shortit përkatës ose pas kualifikimit të klubit (klubeve) për në raundin tjetër, klubet mund të bien dakord – në varësi të aprovimit të UEFA-s – për një ndryshim të vendit ose në një vend neutral (brenda territorit të një federata anëtare të UEFA-s), me kusht që të mos ketë kufizime dhe mos të ketë përplasje me ndeshjet e tjera të UEFA-s në qytet apo stadium.

I.1.6 Kufizimet e vendosura nga autoritetet kombëtare/lokale të secilit klub dhe klubi e informon administratën e UEFA-s, pas afateve të përcaktuara nga UEFA në përputhje me paragrafin I.1.1, atëherë ato nuk do të merren parasysh. Në raste të tilla, klubi, autoritetet kombëtare/lokale të të cilit kanë vendosur masa që parandalojnë që ndeshja e planifikuar të zhvillohet, do të mbajë përgjegjësi dhe ndeshja do të shpallet nga Trupi i Kontrollit, Etikës dhe Disiplinës në UEFA si e humbur nga klubi në fjalë me rezultatin 3-0.

I.1.7 Nëse në ndonjë prej rasteve të sipërpërmendura, të dyja klubet refuzojnë të luajnë ose të dy janë përgjegjës për mozhvillimin e ndeshjes, Trupi i Kontrollit, Etikës dhe Disiplinës në UEFA do t’i sklualifikojë klubet në fjalë nga sezoni 2020/21 i Champions League dhe nga sezoni 2020/21 i Europa League.

I.1.8 Në të gjitha rastet, vendi i ndeshjes e duhet të aprovohet nga administrata e UEFA-s, e cila ka të drejtën të caktojë një vend alternative për çdo ndeshje të veçantë. Këto vendime janë përfundimtare. Në çdo rast, klubi vendas do të mbetet përgjegjës për organizimin e ndeshjes dhe të gjitha kostot e saj.

I.2 Testimi dhe lojtarët e ligjshëm

1.2.1 Nëse një ose më shumë lojtarë ose zyrtarë të klubit rezultojnë pozitivë me COVID-19, në testet e kërkuara nga Protokolli “Rikthim në lojë” i UEFA-s, ndeshja do të zhvillohet ashtu siç ishte planifikuar, përveç rasteve kur autoritetet kombëtare/lokale të njërit ose të dy klubeve të përfshira ose të vendit ku do të zhvillohet ndeshja (në rast të një vendi neutral) kërkojnë që një grup i madh lojtarësh ose e gjithë skuadra të hyjë në karantinë. Nëse të paktën 13 lojtarë të regjistruar në listën A (dukë përfshirë të paktën një portier) ndeshja do të zhvillohet në datën e planifikuar. Nëse të paktën 13 lojtarë të regjistruar në listën A ose asnjë portier i regjistruar nuk janë në dispozicion, UEFA mund të lejojë riorganizimin e ndeshjes brenda afateve të përcaktuara në paragraf.

I.3.1 Nëse autoriteti përkatës kombëtar/lokal kërkon teste të reja për të lejuar një numër të mjaftueshëm lojtarësh (të paktën 13, duke përfshirë të paktën edhe një portier) për të marrë pjesë në ndeshje. Përndryshe, klubi mund të rreshtojë në fushë lojtarët, të cilët nuk janë të regjistruar më UEFA brenda afateve të përcaktuara në rregulloren aktuale, me kusht që këta lojtarë (i) të jenë të regjistruar në federatën e tyre kombëtare për të luajtur në klubin në fjalë në përputhje me rregullat e federatës së tyre dhe të atyre të FIFA-s dhe (ii) kanë rezultuar negativë në përputhje me Protokollin “Rikthim në Lojë” të UEFA-s. Nëse është e pamundur të riorganizohet ndeshja me afatet e përcaktuara në paragraf.

I.3.1 Klubi që nuk mund ta luajë ndeshjen, do të mbajë përgjegjësi për moszhvillimin e ndeshjes dhe ndeshja do të shpallet nga Trupi i Kontrollit, Etikës dhe Disiplinës në UEFA si e humbur nga klubi në fjalë me rezultatin 3-0. Nëse ndonjë anëtar i skuadrës së gjyqtarëve të caktuar për ndeshjen rezulton pozitiv me COVID-19, UEFA ka të drejtë të emërojë zyrtarë zëvendësues të ndeshjes, të cilët (i) mund të ketë të njëjtën kombësi si njëri nga klubet dhe/ose (ii) mund të mos jetë në listën e FIFA-s.

I.3.1 Në çdo rast, administrata e UEFA-s mund të riorganizojë ndeshjet e fazës kualifikuese ose play-off, nëse ka siguri se ndeshja mund të luhet dhe nuk rrezikon orarin e ndonjë ndeshje tjetër të ardhshme në kompeticion. Vendime të tilla të marra nga administrata e UEFA-s janë përfundimtare.

I.3.2 Nëse, për çfarëdo arsye, faza kualifikuese dhe/ose play-off-et nuk mund të përfundojnë, Komiteti Ekzekutiv i UEFA-s do të vendosë mbi parimet për përcaktimin e klubeve të kualifikuar për fazën e grupeve.

I.4 Afatet për ankimime dhe apelime

Mospajtimet e parashtruara për çdo arsye që lidhen me zbatimin e këtij Aneksi dhe deklaratat e ankesave kundër vendimit të marrë nga Trupi i Kontrollit, Etikës dhe Disiplinës të UEFA-s sipas rregullave të këtij aneksi duhet të parashtohen në përputhje me dispozitat përkatëse të Rregullores së Disiplinës së UEFA-s, me përjashtim të afateve të mëposhtme:

një notë proteste duhet të arrijë në Trupin e Kontrollit, Etikës dhe Disiplinës të UEFA-s 12 orë përpara nisjes së ndeshjes në fjalë
nëse është e aplikueshme, një apelim kundër një vendimi nga Trupi i Kontrollit, Etikës dhe Disiplinës të UEFA-s duhet të parashtrohet brenda 24 orëve nga njoftimi i vendimit përkatës me arsye;
nëse është e aplikueshme, apeluesi duhet të paraqesë arsyet e ankesës brenda dy ditëve nga skadimi i afatit për deklarimin e ankesës.

6/8/2020

10 klubet e Kategorisë Superiore, gati për bojkot

10 klubet e Kategorisë Superiore, gati për bojkot

10 klubet e Kategorisë Superiore, gati për bojkot

Të 10 klubet e Kategorisë Superiore përsërisin apelin për qeverinë për të reflektuar lidhur me ndryshimet ligjore për sportin të realizuara deri më tani. Në mbledhjen e fundit me FSHF-në dhe Ligën Profesioniste të Futbollit u konstatua me keqardhje se këto ndryshime nuk i japin zgjidhje kërkesave të 10 klubeve të Kategorisë Superiore dhe nuk përmbushin premtimet e bëra nga Qeveria shqiptare në tryezën e 11 marsit 2019.

Në këto kushte, Liga Profesioniste e Futbollit kërkon nga Qeveria dhe Kuvendi i Shqipërisë:

1. Miratimin e një ligji të ri për sponsorizimet sipas formës së propozuar nga komuniteti i futbollit, pasi ndryshimet e propozuara nga qeveria nuk kanë asnjë efekt real mbi ekonominë e futbollit.
2. Përfshirjen e të gjitha aktiviteteve ekonomike të futbollit me TVSH-në e reduktuar në masën 6%, si bujqësia dhe turizmi dhe jo vetëm infrastrukturën sportive.
3. Zerimin e gjobave dhe kamatë-vonesave për detyrimet fiskale të prapambetura për të shmangur kolapsin financiar të klubeve.
4. Zgjatjen e efekteve të përjashtimit nga tatimi mbi të ardhurat për sportistët nga 2 në 10 vite.

Për sa më sipër, Liga Profesioniste e Futbollit vendosi, të bojkotojë kampionatin kombëtar të Kategorisë Superiore nga data 12 shtator e në vijim, deri në plotësimin e kërkesave te mësipërme.

Foto Galeri

©2020 FSHF All rights reserved.

Partnerët tanë

Sponsor Teknik
Premium Sponsor
Sponsorë Zyrtarë
  • FSHF
    • Asambleja
    • Komiteti Ekzekutiv
    • Presidenti
    • Struktura Organizative
    • Struktura Organizative
    • Liçensimi
    • Rregulloret
    • Trajnime
  • Ekipet Kombëtare
    • Kombëtarja
    • Kombëtarja U-21
    • Kombëtarja U-19
    • Kombëtarja U-17
    • Kombëtarja U-15
    • Kombëtarja Futsal
  • Futbolli i femrave
    • Kombëtarja e Femrave
    • Kombëtarja e Femrave U-19
    • Kombëtarja e Femrave U-17
    • Kampionati i Femrave
    • Kupa e Femrave
  • Kampionatet
    • Kategoria Superiore
    • Kat.Pare A Play-off
    • Kat. Pare A Play-out
    • Kat.Pare B Play-off
    • Kat.Pare B Play-out
    • Kategoria e Dytë A
    • Kategoria e Dytë B
    • U-19 Superiore Grupi A
    • U-19 Superiore Grupi B
    • U-17 Superiore Grupi A
    • U-17 Superiore Grupi B
    • U-15 Superiore Grupi A
    • U-15 Superiore Grupi B
    • Kampionati Futsal
    • Kategoria e Tretë
    • Kategoria e Parë A U-19
    • Kategoria e Parë B U-19
    • Kategoria e Parë A U-17
    • Kategoria e Parë B U-17
    • Kategoria e Parë A
    • Kategoria e Parë B
    • Play-Off Superiore U-19
    • Play-Out Superiore U-19
    • Play-Off Superiore U-17
    • Play-Out Superiore U-17
    • Play-Off Superiore U-15
    • Play-Out Superiore U-15
  • Kupat
    • Kupa e Shqipërisë
    • U-19
    • U-17
    • Femra
  • Futbolli i fëmijëve
    • Tiranë
    • Durrës
    • Shkodër
    • Elbasan
    • Fier
    • Korçë
    • Lezhë
  • Vendimet
    • Disiplina
    • Apeli
    • Dhoma e zgjidhjes së konflikteve
  • Garat
    • Renditja
    • Lojtarët
    • Ndeshjet
    • Klubet
    • Trajnerët
    • Ndeshjet Zyrtare
    • Renditja Fairplay
    • Ndeshjet Ndërkombëtare
  • Dyqani
    • Produktet
    • Shporta
    • Llogaria ime
    • Porositë e mia
    • Termat dhe Kushtet
  • Të tjera
    • Media Gallery
    • fshf.tv
    • Revista
    • Newsletter
    • Rezultate Live
    • Biletaria online
    • Kontakt
    • Datat e Kurseve
    • Talenti Shqiptar
  • Tifozët e Kombëtares
    • Regjistrohu
    • Ofertat tona
    • Euro2016
  • Euro2016
    • Lajme
    • Intervista
    • Video
    • Rezidenca “Kuq e Zi”
    • Historiku
  • Adresa: Rr. Liman Kaba, Nd 5, Hyrja 1, Njësia Administrative 5, Kodi Postar 1019, Tirana, Albania
  • Telefon: +35542 346 601
  • Fax: +35542 346 609
  • Zip code: 1019
  • Email: [email protected]
    Na ndiq:
© fshf | designed by pik creative | Developed by New Media Communications